FIRLEIORUM Illustris in Polonia domus

FIRLEIORUM Illustris in Polonia domus

tota, cum plurimis aliis e Nobilitate, Evangelium amplexa est, circa A. C. 1552. quo Comitiis Petricoviae habitis, Ep. causâ cecidêrunt, Raphaele Leszczinio, et Martino Sborovio, Reformatorum hyperaspistis apud Regem Sigismundum Aug. Praesulum mores ad vivum gravi oratione depingentibus, Ioachimus Bielscius in Chron. Pol. l. 5. p. 549. Ex hac, Ioh. Palatinus Cracoviensis, et Regni Marescallus, Vir plenus zeli, Henrico Galliae Regis fratre qui Rex Poleniae electus, hâc inter alia conditione, ut in gratiam Protestantium Gallorum a fratre varia impetraret pacemqueve inter dissidentes in Polonia conservaret, post electionem vero, petita silentio voluit eludere, iamiam coronando, surrexit, arreptâ coronâ templo exiturus, ni Rex dicenti, Si non iurabis, non regnabis, teneri se videns, satisfecisset, A. C. 1574. Interfuit dein Synodo Cracoviensi, cum aliis Proceribus, pauloqueve post obiit. Vide Thuan. l. 57. ubi memorat, inter alia Regem electum, obstrinxisse se Ioh. Firleio, et ceteris Proceribus, se effecturum, ut Rex frater de grassatoribus lanienaae poenas sumat, Protestantibus edicta antiqua servet, Religionis usum per totum regnum liberum relinquat, Protestantes ad honores evehat, haecqueve Principum, et omnium Magistratuum iuramento confirmari curet, etc. Huius filii Ioh. et Andreas, Barones de Dambrovicza, post Heidelbergensem Academiam, Basiliensem illustrarunt, A. C. 1604. Ioh. quoqueve Ioh. Cluentium Pastorem Bonczensem, a Pontificiis male habitum, A. C. 1629. conquestus de iniuria apud Ep. Chelmensem, acriter defendit. Vide Laetum Comp. Hist. Univ.